Агент: "Хамеснинг келажаги ҳақида "Реал" президентидан сўраш керак"
30 июл 2019 14:47
Янгиликлар

Агент: "Хамеснинг келажаги ҳақида "Реал" президентидан сўраш керак"

"Реал" ярим ҳимоячиси Хамес Родригеснинг агенти ҳисобланган Жорже Мендеш футболчининг келажаги "қаймоқранглилар" президентига боғлиқлигини айтди.

- Хамеснинг келажаги? Сиз бу ҳақида "Реал" президентидан билиб олишингиз мумкин. У шундоққина олдимда. Мен эса клуб ва ўйинчи учун энг яхши вариант қидиришга ҳаракат қиляпман, - дейди Хамеснинг агенти.

Хамес сўнгги икки мавсумни ижара асосида "Бавария" таркибида ўтказди.

У мюнхенликлар таркибида барча мусобақаларда 67та ўйинда майдонга тушиб, 15та гол уришга эришган.

Футболчига Мадриднинг "Атлетико" клуби жиддий қизиқиш билдирмоқда. Аммо, "қироллик клуби" президенти 3:7 ҳисобида учралган мағлубиятдан сўнг шундоқ ҳам кучайиб кетган "Атлетико"га уни сотишни истамаяпти.