А Сериянинг икки клуби "Байер" тўпурарига даъвогарлик қилмоқда

Леверкузеннинг "Байер" клуби ҳужумчиси Виктор Бонифасе "Милан" ва "Наполи" қизиқишлари доирасида, деб хабар берди "Football Italia". 

Ҳар икки клуб футболчини келаси ёзда сотиб олишга ҳаракат қилиши мумкин.

"Наполи" нигериялик футболчини унинг ҳамюрти Виктор Осимхен жамоани тарк этса, сотиб олишга ҳаракат қилади. "Милан" эса ёш ҳужумчини Оливье Жирунинг мумкин бўлган вориси деб ҳисоблайди.

Бонифасе "Байер"да ўзининг биринчи мавсумини ўтказмоқда ва жамоанинг энг яхши тўпурари ҳисобланади. 22 ёшли форвард жорий мавсум барча мусобақаларда 22 та ўйин ўтказиб, 15 та гол урди ва 8 та голга ассистентлик қилди.