Златан Ибрагимович: “Агар 20 ёш бўлганимда, 2 тадан кўпроқ гол урардим”

“Яхши формадаман. Ишлаяпман. Бу барча мусобақалар доирасидаги иккинчи ўйин, холос. Ғалаба қозондик, мен эса кўпроқ гол уришим мумкин эди. Агар 20 ёш бўлганимда, 2 тадан кўпроқ гол урардим. Йўқ, мен қари эмасман, аксинча Бенжамин Баттон кабиман — кекса бўлиб бошлайман, ёш бўлиб эса вафот этаман. Ҳазил ўз йўлига, аммо жамоа яхши ўйин кўрсатди. 100 фоизга тайёр эмасдик, шу боисдан ҳам бир нечта хатоларга йўл қўйдик. Одатда бундай хатоларга йўл қўймаймиз. Мақсадимиз — ўтган мавсумдагидан кўпроғига эришиш”, — дейди Ибрагимович.

Бенжамин Баттон — “Бенжамин Баттоннинг сирли тарихи” номли фильм қаҳрамони бўлиб, у 80 ёшида дунёга келади. Кейин эса ёши кичиклашиб боради.