"Зенит" собиқ футболчиси: "Файзуллаев ўйнамоқчи"

21 ёшли ярим ҳимоячи билан шартнома 5 йилга мўлжалланган.

"Ўтган мавсумда у кам ўйнади, ротация футболчиси эди. Яқинда у Осиёнинг энг яхши ёш футболчиси сифатида тан олинди. У барча фазилатларга эга, яхши футболчи. Эҳтимол, унга таклиф тушган ва унга 90 дақиқа кафолатлангандир. У ўйнашни хоҳлайди. ЦСКА унинг учун яхши пул олди, клуб пул ишлашни билади. Агар Туркияда ўйнаса, Жаҳон чемпионатига тайёрлана олади", – деди Гасилин.

Файзуллаев 2023 йилнинг августидан буён ЦСКА сафида тўп тепган. У "армиячилар" терма жамоаси сафида жами 72 ўйин ўтказиб, 8 та гол урган ва 22 та голли узатмани амалга оширган.

Файзуллаев ЦСКА билан биргаликда Россия Кубоги, Россия Суперкубоги ва РПЛ бронза медалини қўлга киритди. Жамоадаги фаолияти давомида у Осиёда йилнинг энг яхши ёш футболчиси сифатида этироф этилган.