Забиҳилло Ўринбоев: "Яхши тикланиб олсак, "Пахтакор"га жанг таклиф қиламиз"
06 мар 00:19
Новости

Забиҳилло Ўринбоев: "Яхши тикланиб олсак, "Пахтакор"га жанг таклиф қиламиз"

Теги : Бухоро "Навбаҳор"Забиҳилло Ўринбоев Суперлига

"Навбаҳор" ҳужумчиси Забиҳилло Ўринбоев Суперлиганинг 2-тури доирасида "Бухоро"га қарши ўйиндан кейинги фикрларини билдирди.

- Бугун "Навбаҳор"дан барча ғалаба кутганди. Бироқ акси бўлиб чиқди. Ўйин ҳақида нималар дея оласиз?

- Биз ҳам ғалаба учун ўйинга чиққандик. Бизнинг вазиятлар дарвозага киришни истамади. Рақиб дарвозабони яхши ўйнади, буни эътироф этмаса бўлмайди. Биттагина стандартдан гол ўтказиб юбордик. Ҳамма кутган ғалаба учун чиққандик. Бу ҳам Оллоҳнинг бир куни. Тўхташ йўқ, чемпионат энди бошланди. Кейинги ўйинларда астойдил ўйнашга ҳаракат қиламиз.

- Биринчи турда кучли рақиб - "Динамо" майдонида ғалабага эришилгани жамоага ортиқча хотиржамлик бериб юбормадими?

- Йўқ. Ҳозир чемпионатнинг боши. Ҳеч қандай хотиржамлик бўлгани йўқ. Чунки олдиндаги 4-5та турда барча жамоа ўзини кўрсатишга ҳаракат қилади.

- 3-турда жамоа "Пахтакор"га қарши ўйнайди. Ушбу мағлубиятдан кейин жамоа ўзини тиклаб, сюрприз ярата оладими?

- "Пахтакор"га қарши доимо принципиал ўйин бўлган. Бу рақибга қарши футболчини индивидуал тайёрлашнинг ҳам кераги йўқ. Бу ҳеч қандай қийинчилик туғдирмайди деб ўйлайман. Асосийси - яхши тикланиб олсак, "Пахтакор"га жанг таклиф қиламиз.

- Бир гол ва бир ассист билан мавсумни яхши бошладингиз. Мавсум давомида нечта гол уришни мақсад қилгансиз?

- Олдинга қўйилган мақсадга эришмагунча, айтма дейишган. Ўзимга яраша мақсадларим бор. Куч-қувват берса, шу мақсадим сари ҳаракат қиламан. Илк навбатда жамоа билан мақсадга эришиш.

Ссылка :

Источник : championat.asia

Получайте новости прямо в Telegram!

Рейтинг: -1