Хуршид Ғиёсов: “Футбол битта таймдан иборат эмас”

Ушбу баҳсда “қалдирғочлар" мавсумдаги илк ғалабани қўлга киритди. Ўйинда дубль қайд этган Хуршид Ғиёсов сайтимиз учун интервью берди.

- Биринчи бўлимда ўзимиз хоҳлаган ўйинимизни кўрсатдик ва 2:0 ҳисобида ғалаба эришаётгандик, лекин футбол бир бўлимдан иборат эмас. Иккинчи бўлимда рақиблар муносиб қаршилик кўрсата олди ва ҳисобни қисқартиришга муваффақ бўлди. Биз сўнгги дақиқаларга қадар ғалаба учун курашдик.

Ҳар доим ўйиндан олдин гол ураман деб ният қилиб майдонга чиқаман. Бугун ниятимга етдим. “Бунёдкор” нинг ғалабасини ҳамма кутди ва ниҳоят унга бугун етишдик. Ғалаба бизга руҳан куч берди ва кейинги учрашувларда ҳам фақат ғалаба учун майдонга чиқамиз.

Мухлислар билан тўлиб тошган стадионда ўйнаш ҳар бир футболчининг орзуси. Бугун ажойиб атмосферани яратган наманганлик, фарғоналик мухлисларга раҳмат айтаман. Мухлисларсиз футбол қизиқ эмас хоҳ улар бизга ёки рақибларга мухлислик қилишса ҳам. Шу ўринда, бизни бевосита стадиондан туриб қўллаб-қувватлаган “Бунёдкор” мухлисларига ўз миннатдорчилигимизни билдирамиз", - дейди Хуршид Ғиёсов.

Дилдора Холбоева ёзиб олди