Холанд 31 январгача янги клубини танлайди. "Реал" ва "Барса" у билан музокаралар олиб бормоқда

21 ёшли форвард норасмий тарзда унга қизиқ бўлган клублар билан музокаралар олиб бормоқда. "Барселона" вакиллари футболчи таътилда бўлган Марбелья (Испания)да ўйинчи билан учрашишди. "Реал" ҳам битимни ташкил этиш устида ишламоқда.

"Реал" ҳам, "Барса" ҳам Холанд янги клубига ўтиш борасида 31 январгача қарор қабул қилишни хоҳлаётганини билади.

Каталония клуби президенти Жоан Лапорта норвегияликнинг трансфери учун барча нарсага тайёр. "Барса" маошлар миқдорини камайтирмоқчи, аммо айни дамдаги молиявий муаммолар клубга ҳатто Холанднинг трансфер ҳаёлига ҳам имкон бермайди. "Реал"нинг иқтисодий ҳолати эса жойида.

Норвегиялик жорий мавсум "Боруссия" таркибида барча мусобақаларда 16та ўйинда майдонга тушиб, 19та гол ва 4та ассист қайд этди.

Холанд Марбельедаги мухлисларга фаолиятини қаерда давом эттиришини айтди