"Хўжанд" бош мураббийи Рустам Ходжаев: "Ғалаба қозона олмадик. Демак бу бизнинг айбимиз"

"Биз ўйинни яхши бошладик. Ўз дарвозамиз олдида кўп хатога йўл қўйдик. Бу эса иккита гол ўтказиб юборишимизга олиб келди. Йигитлар яхши ҳаракат қилишди. Мен ўйиндан олдинги матбуот анжумунида ҳам айтиб ўтган эдим. Бизда бундай катта учрашувларда иштирок этиш тажрибаси етарли эмас. Чемпионат ўйинларида бундай шиддат йўқ. Мазкур ҳолат халқаро майдонда тўп тепадиган клубларимизга таъсир қилмоқда. "Олтин аср" билан баҳсда қаердадир тажриба, қаердадир диққатни жамлаш етишмади",- деди Рустам Ходжаев.

- Жамоангиз бир киши кўп бўлиб ҳаракат қилди. Лекин иккинчи бўлимда вазиятларни гол билан якунлашда муаммолар кўзга ташланиб қолди...

- Ҳимояда янада ишончлироқ ўйнаганимизда битта гол билан ҳам ғалаба қозонишимиз мумкин эди. Ўйинда иккита гол урдик. Аммо мудофаа чизиғидаги эътиборсизлик ва диққатни йўқотиш ҳисобига якуний натижа шундай бўлди. 

- "Олтин аср"нинг кучли томонлари бор эди. Улар қандай қилиб "Хўжанд"дан устун кела олишди?

- Принципиал жиҳатдан улар биздан қайсидир жиҳатдан яхшироқ эди, деб айта олмайман. Рақиб қанотлардан қанотларга тезда ўтди. Стандарт вазиятларда хавфли вазиятлар яратишди. Бу эса ҳимоямиздаги палапартишликка олиб келди. Шу туфайли дарвозамизга иккита гол уришди. Акс ҳолда ўзимизни улардан кучсиз деб ҳисобламайман. Иккинчи бўлимда "Олтин аср" зич ҳимояланди. Ушбу учрашувда ғалаба қозона олмаганимиз бизнинг айбимиз.