Хитойда "катта тозалаш": келишилган ўйинлар можароси сабаб ўнлаб клублар жазоланди

Унинг натижасида ҳам клублар, ҳам маълум футболчиларга нисбатан жуда қаттиқ санкциялар қўлланди.

"The Athletic" нашрининг хабар беришича, футбол билан боғлиқ бўлган 73 нафар шахс ушбу спорт турида фаолият юритишдан умрбод четлатилди. Улар орасида илгари "Эвертон" сафида ўйнаган Хитой миллий терма жамоасининг собиқ бош мураббийи Ли Те, шунингдек, Хитой футбол ассоциациясининг собиқ президенти Чэнь Сюйюань ҳам бор.

Шунингдек, 13 та клубдан очколар олиб ташланади. Уларнинг тўққизтаси маҳаллий Суперлигада иштирок этади. Амалдаги мамлакат чемпиони "Шанхай Порт" мавсумни минус беш очко билан бошлайди.

Энг қаттиқ жазолардан бири "Шанхай Шэньхуа" клубига қўлланди. Ушбу клубдан 10 очко олиб ташланди.