Трамп хавфсизлик сабабли Бостонни ЖЧ-2026 ўйинларидан маҳрум этиш билан таҳдид қилди: "Мен Инфантинога қўнғироқ қиламан — у буни осонликча амалга оширади"

Сешанба куни у Аргентина президенти Хавьер Милей билан учрашди ва журналистлар саволларига жавоб берди. Муҳбирлардан бири ундан Бостон мэри Мишель Ву ва ўйинларни бошқа шаҳарга кўчириш эҳтимоли ҳақида сўради.

"Биз ўйинларни бошқа жойга кўчиришимиз мумкин. Мен Бостон аҳолисини яхши кўраман. Биламан, чипталар сотилиб бўлган, лекин уларнинг мэри унчалик яхши эмас. У ақлли... лекин радикал сўл қарашли.

Агар мен у ерда хавфсизликка таҳдид сезсам, мен ФИФА президенти Жанни Инфантинога қўнғироқ қиламан ва айтаман: “Келинг, ўйинларни бошқа жойга кўчирсак.” У буни хоҳламаса ҳам, жуда осон амалга оширади», — деди Трамп.

Эслатиб ўтамиз, Жаҳон чемпионати-2026 АҚШ, Канада ва Мексикада келаси йил 11 июндан 19 июлгача бўлиб ўтади.