Тошкентда ФИФА Grassroots дастури бўйича халқаро курслар бошланди. Уни Усмон Тошев олиб бормоқда
11 янв 2021 21:42
Новости

Тошкентда ФИФА Grassroots дастури бўйича халқаро курслар бошланди. Уни Усмон Тошев олиб бормоқда

Теги : Grassroots

Бугун пойтахтимиздаги “Чиғатой” Республика олий спорт маҳорат мактабида ФИФАнинг болалар футболи ва оммавий футболни ривожлантириш дастури бўйича Grassroots халқаро курслари старт олди.

ФИФА Grassroots дастури мактаб, жамоат ва клублар ташаббуси орқали 6-12 ёшдаги ўғил-қизларга қаратилган бўлиб, дастурнинг асосий мақсади – футбол ўйини орқали имкон қадар кўпроқ одамларни, ҳусусан ёшларни бирлаштиришдир.

Дастур махсус инфратузилма талабларисиз футбол ўйнаш имкониятини яратади. Шу сабабли ҳеч қандай интенсив машғулотлар ёки мураккаб тактикаларга мурожаат этилмайди.

Grassroots дастури барча футбол ассоциациялари билан яқин ҳамкорликда тузилган ва инсоний қадриятларни алмашинувини қўллаб-қувватлайди.

Мазкур ўқув курсларга Республикамизнинг барча ҳудудларидан келган мураббийликка қизиқиши бор 30 нафар мутахассис жалб этилган.

Ўқув курслар ФИФА ва ОФК инструктори Усмон Тошев томонидан олиб борилмоқда ва унга Бахром Умаров кўмаклашмоқда. Ўқув-машғулотлар координатори – Умид Хатамов.

15 январь кунига қадар давом этадиган ўқув жараёни якунида болалар футболи ва оммавий футбол бўйича фестивал ўтказилиши режалаштирилган. Курс сўнггида барча иштирокчиларга сертификатлар топширилади.