Тошкент вилояти. Интернат академияга айланади, бу ҳақида ота-оналарга тушунтириш берилди
22 мая 2018 12:58
Новости

Тошкент вилояти. Интернат академияга айланади, бу ҳақида ота-оналарга тушунтириш берилди

Куни кеча Янгийўл туманининг Халқобод қўрғонида жойлашган футболга ихтисослашган мактаб интернатда интернатни академияга айлантириш бўйича йиғилиш бўлиб ўтди.

Йиғилишда ЎФАнинг масъул вакиллари А.Толибжонов, В.Салохо, Тошкент вилояти жисмоний тарбия ва спорт бошқармаси бошлиғи Д.Риҳсибоев , вилоят футбол федерацияси биринчи вице-президенти Б.Маҳмудов ҳамда интернат ходимлари ва ота-оналар иштирок этишди.

Йиғилишдан олдин ЎФА ходимлари мактаб интернатнинг фаолияти билан яқиндан танишди. Майдонлар, ўқув хоналари, ошхона ва ётоқхоналар кўздан кечирилди. Танишув жараёни якунлангач, ота-оналар билан учрашув ўтказилиб, унда академия ҳақида маълумот берилди. Ўзаро фикрлар алмашилинди ва саволларга жавоб берилди.