Сиаваш Ҳақназари: "Бизга ким рақиб бўлишининг фарқи йўқ, ўзимизнинг аниқ мақсадимиз бор"
31 авг 16:45
Новости

Сиаваш Ҳақназари: "Бизга ким рақиб бўлишининг фарқи йўқ, ўзимизнинг аниқ мақсадимиз бор"

"Навбаҳор" футболчиси Сиаваш Ҳақназари "Пахтакор"га қарши кечган ярим финал баҳсидан сўнг ўйин ҳақидаги фикрлари билан бўлишди.

- Бугунги учрашув ҳақидаги фикрларингиз билан бўлишсангиз?

- Биринчи навбатда бутун жамоани, жамоа президентини, ҳокимни ва мухлисларимизни бугунги ғалаба билан табриклайман. Мавсум бошиданоқ ушбу мақсад сари қадам ташлаб келмоқдамиз. Ғалабага лойиқ эдик деб ўйлайман, сабаби биз бир киши кам бўлиб ҳаракатландик. Ҳали хурсанд бўлишга эрта сабаби олдинда финал учрашуви бор. Эртадан бошлаб финал ҳақида ўйлашни бошлаймиз.

- Финал ҳақида нималар дея оласиз? "Андижон"га қарши ўйнаш осон эмас.

- Бизга ким рақиб бўлишининг фарқи йўқ. Бизда аниқ мақсад бор. Чемпион бўлишимиз учун боримизни берамиз.

- "Навбаҳор" бугунги учрашувда "Пахтакор"дан ўйиннинг қайси жабҳаларида устунроқ бўлди деб ўйлайсиз?

- Бундай ўйинларда 90 дақиқадан сўнг футбол сифати эмас, хоҳиш ва иштиёқ асосий планга чиқади. Сиз қанчалик ғалаба қозонишни истаётган бўлишингиз керак.

- Эрон ЖЧ-2026 учинчи саралаш босқичини бошлаш арафасида турибди, Қирғизистон ва БААга қарши кечадиган учрашувлар ҳақида фикр билдириб ўтсангиз?

- Терма жамоамиз яхши ҳолатда. Барчаси яхши. Терма жамоамиз бу сафар ҳам Эрон халқини хурсанд қила олишига ишонаман.