Санжарни жазолаган Равшан Эрматов, Нажафалиевнинг ўзига хос статистикаси... (1-тур ҳақида)
05 мар 2022 19:17
Новости

Санжарни жазолаган Равшан Эрматов, Нажафалиевнинг ўзига хос статистикаси... (1-тур ҳақида)

Coca-Cola Суперлиганинг ортда қолган дастлабки тури ҳақида сиз эътибор қилмаган баъзи маълумотларни келтирамиз.

1. "Металлург" қаторасига 3-ўйинни ютди. Бунақаси сўнгги бор 2017 йилда содир бўлган эди.

2021 йил
25-тур. "Металлург" 1:0 "Турон"
26-тур. "Қизилқум" 1:3 "Металлург"
2022 йил
1-тур. "Металлург" 1:0 АГМК

2. "Қизилқум"нинг 5 ўйиндан иборат мағлубиятли серияси якунига етди. Навоийликлар 2021 йил охиридаги барча учрашувларда енгилган эди.

3. "Қизилқум" 16 ўйиндан кейин яна "Локомотив"ни енгди. Бунақаси сўнгги бор 2013 йилнинг 2-даврасида содир бўлган эди.

4. Санжар Шоаҳмедов 6 йилдан кейин яна Ўзбекистон чемпионатида сариқ карточка билан жазоланди.

Тошкентлик футболчини сўнгги бор Равшан Эрматов огоҳлантирган эди (2016 йилнинг майида ўтган "Локомотив" 1:0 "Пахтакор" учрашувида).

5. Даврон Ҳошимов ("Навбаҳор") "Насаф"га қарши қаторасига 3-ўйинда ҳам сариқ карточка билан жазоланди.

6. "Насаф" "Навбаҳор"ни қаторасига 10-учрашувда мағлубиятга учратолмади.

7. "Навбаҳор" кетма-кет 5-мавсумни ғалабасиз бошлади.

8. "Қўқон-1912"нинг 18 ўйиндан иборат голли серияси "Нефтчи" билан ўйинда якунланди.

9. Аскер Нажафалиев бошқарган қаторасига 4-ўйинда ғолиб номига аниқлик киритилмади.

Суперлига-2021. 24-тур. "Машъал" 0:0 "Турон"
Про лига-2021. "Нефтчи" 1:1 "Бухоро"
Суперлига-2021. 25-тур. "Сўғдиёна" 1:1 "Насаф"
Суперлига-2022. 1-тур. "Олимпик" 0:0 "Сурхон"

10. Бу йилги мавсум чемпионатимиз тарихидаги энг кам гол урилган тур билан старт олди (6 та).

11. Дастлабки турдан ўрин олган 7 ўйиндан 4 таси нейтрал стадионда ўтди ("Қизилқум" рақибини Олмалиқда, "Олимпик" "Пахтакор"да, "Нефтчи" Яйпанда, "Бунёдкор" эса "Локомотив" ўйингоҳида қабул қилди).