Руслан Аҳмедов: "Асосийси натижа. Ҳужумкор ўйнаб ютқазишдан қандай наф бор?"
20 мар 19:27
Новости

Руслан Аҳмедов: "Асосийси натижа. Ҳужумкор ўйнаб ютқазишдан қандай наф бор?"

Про лиганинг 2-туридан ўрин олган "Хоразм" - "Шўртан" (2:1) учрашувидан сўнг мезбонлар бош мураббийи Руслан Аҳмедов матбуот анжуманида иштирок этди.

Хорезм

Темур Исмаилов - 72'

Про лига. Тур 2

20/03/2024, 15:45

Завершен

Шуртан

Улугбек Худойбердиев - 13', Шахбоз Нуриддинов - 46'

45'

90'

Открыть в Матч-Центре

Ўйин ҳақида

- Жамоамиз аъзолари ва мухлисларини ғалаба билан табриклайман. "Шўртан"га қарши ўйин осон ўтмаслигини билардик. Про лигада бу йилдан 8 та жамоа иштирок этаяпти, 4 даврали ўйинлар бўлади. Шу сабабдан чемпионатда осон ўйиннинг ўзи йўқ. Бу ҳақида ўйлашнинг ўзи нотўғри. Ўтган турда "Олимпик Мобиуз" билан тўқнаш келдик, бу учрашув ҳам осон ўтмади. "Шўртан" Суперлигага даъвогар клублардан ҳисобланади. Шу боисдан ҳам бугунги ўйин ҳам қийин ўтди.

- "Хоразм"нинг таркиби деярли ҳар мавсумда янгиланиб кетади. Бунга сабаб нима?

- Ўтган йилларда жамоада молиявий қийинчилик бор эди. Кўрпага қараб оёқ узатганмиз, футболчилар ҳам молиявий таъминот бўлмаса, бу жамоадан кетиб қолиши мумкин. Ўтган мавсумнинг иккинчи қисмида бизга ҳомий бириктирилди. Ҳозир молиявий холатимиз яхши, шундан келиб чиқиб савиялироқ футболчиларни таркибга жалб этдик. Ҳар бир ўйинда ғалаба учун ҳаракат қилиб, олдимиздаги вазифани бажаришга ҳаракат қиламиз.

- Бугун "Шўртан"га қарши ҳужумкор футбол намойиш этилмаганига сабаб нима?

- Асосийси натижа. Ҳужумкор ўйнаб ютқазгандан қандай наф бор? Чиройли ўйнаб ютқазганимиз бизга фойда бермасди. Бугунги ўйинга тайёрлаган режамиз ўзини оқлади, иш берди деб ўйлайман.