Рўзиқул Бердиев: "Танзаниялик ҳужумчи "Насаф"га келмайдиган бўлди. Унинг ўрнига бошқа африкалик футболчини кузатяпмиз"
23 фев 2022 19:04
Новости

Рўзиқул Бердиев: "Танзаниялик ҳужумчи "Насаф"га келмайдиган бўлди. Унинг ўрнига бошқа африкалик футболчини кузатяпмиз"

Қаршининг "Насаф" клуби бош мураббийи Рўзиқул Бердиев бугун жамоа мухлислари билан учрашди ва бир қатор саволларга жавоб берди.

"Биз ўнлаб футболчиларга шароитимиздан келиб чиқиб яхши таклифларни жўнатдик. Охиргиси Марокаш чемпионатида фаолият олиб бораётган танзаниялик футболчи бўлди. Бироқ у ўз жамоаси билан 4 ойлик маошини ололмагани сабабли шартномаси борасида тўлиқ келишолмай қолган. Муаммоли ҳолат бўлгани учун биз бу жараёнга аралашмадик. Шу боис у "Насаф"га келмайдиган бўлди.

Унинг ўрнига жамоага олиб келмоқчи бўлаётган футболчи африкалик. У Беларусь чемпионатида ўйнаган. Ярим ҳимоя ва ҳужумда яхши ҳаракат қилади. 28 ёшли легионер Беларусь чемпионатида 10та гол урган", - деди Рўзиқул Бердиев.