Ривалдо: "Месси - дунёнинг энг яхши футболчиси, Роналду иккинчи. Неймар эса учликка кирмайди"

"Ҳозир дунёнинг энг яхши футболчиси - Месси. Криштиану Роналду - иккинчи, учинчи ким эканлигини билмайман, аммо бу Неймар эмас. Агар у Испания чемпионатига қайтса, келаси мавсум кучли учликка кириши, хатто энг яхши футболчи бўлиши мумкин.

У ПСЖга ўтиб хато қилди, аммо қайтишини хоҳлайман. "Барселона" Неймар билан Чемпионлар лигасида кучли жамоага айланади. У хато қилганини биламиз, бироқ у голлар уришни бошласа, ҳамма бу нарсаларни унутади.

Яхши футболчилар учун майдонда жой топилади. Месси, Суарес, Гризманн ва Неймар бирга ўйнаши "Барселона" фойдасига хизмат қилади.

Агар у "Реал"га ўтса, бу ҳам яхши қарор бўлади. "Барселона"да ўйнаганман ва шу сабабли у Каталония клубида ўйнашини хоҳлайман" - дейди Ривалдо.