"Реал" ва ПСЖ қизиқиш билдираётган футболчи "Ливерпуль"дан маошини оширишни талаб қилди

Франция терма жамоаси ва "Ливерпул" марказий ҳимоячиси бўлган 25 ёшли футболчининг клуб билан шартномаси 2026 йил ёзигача амал қилади. Ҳозирги шартнома бўйича у ойига 80 000 фунт маош олади.

Томонлар янги шартнома ҳақида музокараларни 2024 йил октябрь ойида бошлашган, аммо ҳалигача келишувга эришилмаган. Конатенинг вакиллари "Ливерпул"дан футболчи маошини 120 000 фунтга ошириб, 200 000 фунтга етказишни талаб қилмоқда, деб хабар беради Get French Football News нашри The Times манбасига таяниб.

Маълумотларга кўра, Конатега "Реал Мадрид" ва ПСЖ клублари ҳам жиддий қизиқиш билдирмоқда.