Расман: "Барселона" собиқ футболчиси ПСВга ўтди
18 июн 2019 14:58
Новости

Расман: "Барселона" собиқ футболчиси ПСВга ўтди

"Барселона" ва ПСВ клубларида ўйнаган Иброҳим Афеллай Эйндховенга қайтди.

Бу ҳақда клуб матбуот хизмати хабар тарқатди. Футболчи жамоа сафига эркин агент мақомида бориб қўшилган. Голландиялик футболчининг охирги клуби "Сток Сити" бўлган эди. Битим бир мавсумга имзоланди.

33 ёшли футболчи ПСВ тарбияланувчиси ҳисобланади. У 2003 йилдан 2010 йилгача эйндховенликлар шарафини ҳимоя қилган. 2010 йилда эса "Барселона" сафига бориб қўшилган. Каталониялик уни "Шальке-04" ва Пирейнинг "Олимпиакос" клубларига ижарага берган. Иброҳим сўнгги клуби сафида 2015-2019 йилларда ўйнаган.

Унинг терма жамоадаги фаолияти 2007 йил Словенияга қарши учрашув билан бошланган ва 2016 йилда терма жамоадаги фаолиятини якунлаган.