"Қизилқум" Дилшод Комиловга ўринбосарлар жамоаси машғулотларида қатнашишга рухсат берди

Шундан сўнг клуб раҳбарияти футболчи билан меҳнат шартномасини бир томонлама бекор қилганди. Куни кеча жамоа раҳбарияти ва мураббийлар штаби йиғилиш ўтказиб, футболчини "Қизилқум" ёшлар жамоаси таркибида машғулотларда қатнашиши учун рухсат берди.

Бундан ташқари, Дилшод Комилов клуб базасига ташриф буюриб, ўша ҳолат юзасидан тушунтириш берди:

"Суперлига 21-тури доирасида "Қўқон-1912"га қарши беллашувнинг 60-дақиқасида мени бош мураббий Акмал Рустамов захирага олмоқчи бўлдилар. Аммо мен бу қарорни тўлақонли тушунмаганлигим учун жамоага учрашувда тўлиқ ёрдам бериш мақсадида майдоннни тарк этмадим. Шундан кейин бу ҳолат мухлислар ва мутахассислар ўртасида кенг мулоҳазаларга сабаб бўлди.

Ушбу қарорим учун мен "Қизилқум" жамоаси раҳбарияти ва мухлислари, қолаверса, жамоа бош мураббийи Акмал Рустамовдан узр сўрайман. Тушунмовчилик ва вазиятга нопрофессионалларча ёндашганлигим рост. Айни пайтда клуб раҳбарияти ва бош мураббий билан келишиб олдим ва ҳозирда ҳаммаси яхши. Мен мавсум сўнгига қадар "Қизилқум" жамоаси шарафини ҳимоя қилишга тайёрман".