Қизил карточка, эҳтимолий пенальти ва четлатиш. "Алё, рэф!" ҳакамларнинг Ўзбекистон - Эрон учрашувидаги қарорларини таҳлил қилди

Эронлик ўйинчи рақибнинг ҳимояланмаган оёқ қисмининг орқасига бутсининг "тишлари" билан зарба берди. Ушбу вазиятда рақибга жиддий жароҳат етказилиши мумкин эди. Қўполлик ўйин бошида бўлганига қарамай, менимча, ҳакам ягона тўғри қарор қабул қилди ва қоидабузарга қизил карточка кўрсатди.

Эронлик ҳужумчи кичик "контакт"ни ҳис қилди ва тезда майдонга ётиб олди. Ушбу вазиятда ўзбекистонлик ҳимоячининг ҳаракатлари рақиб футболчисининг йиқилиши учун сабаб бўлмайди. Ҳақиқий ўйинда бўладиган эпизод. Ҳакам бу ерда пеналти белгиламасдан тўғри қарор қабул қилди.

Бу вазиятда ҳакам Ўзбекистон терма жамоаси дарвозасига пеналти белгилаб, хатога йўл қўйди. Дарвозабон ҳеч қандай қўпол хатти-ҳаракатни амалга оширмади, ҳужум қилаётган ўйинчини кутиб олиш учун ташқарига чиқади. Эронлик ўйинчи контактни бошлайди - унинг ўзи оёғини дарвозабоннинг оёқлари орасига "ёпиштирди", шундан сўнг у йиқилади. ВАР тўғри аралашди ва ҳакамни видеотакрорни кўриб чиқишга таклиф қилди. Шундан сўнг бош ҳакам пеналтини бекор қилиб, хатосини тузатди. Тўғри қарор - ўйинни давом эттириш.

Ушбу вазиятда Ўзбекистон терма жамоаси ҳимоячиси эронлик ҳужумчига нисбатдан қўполлик ишлатди. Бироқ ушбу вазиятда ўзбек футболчисининг яна бири майдоннинг марказий ўқига яқинроқ ва ўз дарвозаси чизиғига яқин эди. Шу сабабли ушбу вазиятда ВАР тўғри аралашди. ВАРни кўрган ҳакам ушбу ҳолатни кўрди ва қизилни бекор қилди. Ушбу вазиятда ҳакам қизил эмас, балки сариқ бергани тўғри қарор эди.

Учрашув ҳаками мутлақо тўғри қарор қабул қилади. Ушбу вазият биз кўриб чиққан 2-вазиятга ўхшайди. Эронлик ҳимоячи рақиб футболчисининг йиқилиши учун ҳеч қандай қўполлик ишлатмади. Ўзбекистонлик футболчи эса кичик кантактни ҳис қилди ва тезда майдонга ётиб олди. Менимча, тўғри қарор - ўйинни давом эттириш.

Келинг, ушбу эпизоднинг икки босқичини хронологик жиҳатдан кўриб чиқайлик. Биринчидан, ҳакам жарима майдончасига кираверишдаги дуелни тўғри баҳолади: ўзбекистонлик футболчи ҳеч қандай ҳолатда қоида бузмади, рақиб билан дуелдан кейин ҳам оёққа туриб, тўпга эгалик қилишда давом этмоқда. Кейин у жарима майдончасига кириб борди, у ерда эронлик ҳимоячи унга нисбатан қоидани бузади, эҳтиётсизлик туфайли қоидабузарлик қилади. Ҳимоячи тўпга ўйнамади ва рақибни йиқитади. Тўғри қарор - пеналти тепиш.