Петр Чех футбол тарихидаги энг яхши дарвозабонларни санади
19 фев 17:22
Новости

Петр Чех футбол тарихидаги энг яхши дарвозабонларни санади

"Челси" собиқ дарвозабони ва техник директори Петр Чех жаҳон футболи тарихидаги энг яхши дарвозабонлар ҳақида фикрлари билан ўртоқлашди.

"Мен, албатта, Жанлуижи Буффонни кучли учликка киритган бўлардим. Нойерни ҳам ажратиб кўрсатардим. Шунингдек, Петер Шмейхелни эътироф этмоқчиман", – деди Чех.

2006 йилда Буффон Италия термаси билан жаҳон чемпиони бўлган, Нойер 2014 йилда Германия терма жамоаси билан мундиални ютган. Шмейхель эса 1992 йилда Дания билан Европа чемпионлигига эришган.

Петр Чех 2019 йилда футболчилик фаолиятини якунлаган. У "Арсенал" ва "Челси"дан ташқари "Хмел", "Спарта" ва "Ренн" жамоаларида ўйнаган. Дарвозабон футболчилик фаолияти давомида тўрт марта Англия чемпиони бўлган, шунингдек, Чемпионлар Лигаси ва Европа Лигасида ғолиб чиққан.

Чех футболдан кетганидан сўнг Британиянинг иккинчи юқори дивизионида ўйнайдиган "Гилдфорд" ва "Челмсфорд" хоккей жамоаларида ҳаракат қилган эди.

Ссылка :

Источник : Daily Mail

Получайте новости прямо в Telegram!

Рейтинг: +7