"Пахтакор-79" хотирасига атаб кўплаб тадбирлар ташкил этилади
05 июл 2019 17:10
Новости

"Пахтакор-79" хотирасига атаб кўплаб тадбирлар ташкил этилади

11 август куни "Пахтакор"нинг машъум авиаҳалокатига 40 йил тўлади.

"Пахтакор" футбол клуби ўзбек футболида ёрқин из қолдирган жамоа вакилларини хотирлаш мақсадида бир неча тадбирлар ўтказишни режалаштирмоқда. Бу борада клуб катта кўламда иш олиб бормоқда. 11 август куни ишқибозлар "Пахтакор" стадионида Ўзбекистон ва собиқ СССР фахрий футболчилари иштирокида ўртоқлик учрашуви бўлиб ўтади. Унда машҳур юлдузларнинг қатнашиши мўлжалланган. Шунингдек, ўша куни стадионда ўйингача ҳам мухлислар учун бадиий дастур тақдим этилади.

Август ойи бошида Тошкентда 2004 йилда таваллуд топган ёш футболчилар ўртасида "Хотира қанотлари" мусобақаси ўтказилади.

"Пахтакор-79" жамоаси хотирасига айни пайтда янги ҳужжатли фильмни суратга олиш ишлари давом этмоқда. Тез орада ушбу фильмдан парчаларни ўқувчилар эътиборига тақдим қиламиз.

Ссылка :

Источник : pakhtakor.uz

Получайте новости прямо в Telegram!

Рейтинг: +13