Ўзбекистон U-16 чемпионати. “Одил жуниор” асосий таркибининг 5 нафар футболчиси жамоага ёрдам бера олмайди
03 ноя 2021 14:47
Новости

Ўзбекистон U-16 чемпионати. “Одил жуниор” асосий таркибининг 5 нафар футболчиси жамоага ёрдам бера олмайди

Теги : Одил Жуниор Ўзбекистон U-16 чемпионати

Ўзбекистон Профессионал футбол лигаси мамлакат U-16 чемпионати учрашувларини 11-21 ноябрь кунлари оралиғида ўтказишни режалаштирганди.

Бироқ кейинроқ CAFA U-15 (2006) терма жамоалари ўртасида 17-24 ноябрь кунлари Душанбеда мусобақа ташкил этишга қарор қилди. Унда Сервер Жепаров бошқарувидаги ўсмирларимиз иштирок этади.

CAFA мусобақаси режаси сабаб, ЎзПФЛ барча жамоалар қайдномаларига қайта мурожаат қилди. Унга кўра, деярли барча жамоалар асосини 2005 йилда туғилган футболчилар ташкил этади. Фақатгина “Одил жуниор” мусобақада 1 ёш кичик тоифа — 2006 йилда туғилган футболчилар билан ўйнашни режалаштирган. Аммо эндиликда жамоанинг 5 асосий футболчиси терма йиғинига жалб этилганидан келиб чиқиб, улар фақатгина “Металлург” жамоасига қарши илк учрашувдагина иштирок этиш имкониятига эга. Боиси, Сервер Жепаров жамоаси 10 ноябрь куни йиғинга киришади.

Шундан келиб чиқиб, ЎзПФЛ “Металлург” — “Одил жуниор” учрашувини 9 ноябрь санасига кўчирди. Беллашув 15:00 да “Чиғатой” спорт базасида старт олади. Қолган жамоалар режасига қайта ўзгартириш киритилмаслиги учун ЎзПФЛ бошқа учрашувлар вақти ва санасини ўзгаришсиз қолдирди. Режага кўра, терма йиғини ҳамда ЎзПФЛ мусобақаси бир-бирига ҳалал бермайди.