Ўзбекистон кубогининг 1/8 финал босқичига 7 июнь куни қуръа ташланади
25 мая 2021 16:25
Новости

Ўзбекистон кубогининг 1/8 финал босқичига 7 июнь куни қуръа ташланади

Ўзбекистон Coca-Cola кубоги гуруҳ босқичи якунларига кўра 14 та жамоа 1/8 финал босқичи учун чиптани қўлга киритганди.

Улар қаторига мазкур босқичдан эътиборан AГМК ва “Пахтакор” клублари ҳам қўшилади.

1/8 финалга қуръа 7 июнь куни ташланади. Шу куни Ўзбекистон миллий терма жамоаси ЖЧ-2022 саралаши доирасида Сингапурга қарши майдонга чиқади. Шундан келиб чиқиб, қуръа кечки эфирда Спорт-ТВ томонидан жонли эфирда намойиш этилади.

Aввалдан айтилганидек, қуръа маросимида гуруҳ ғолиблари алоҳида саватда бўлади ва улар 1/8 финалда бир-бири билан, шунингдек, AГМК ва “Пахтакор” клублари билан тўқнаш келмайди. Бир ўйиндан иборат учрашувларга ким мезбонлик қилиши қуръа ёрдамида аниқлаб олинади.

Ўзбекистон Coca-Cola кубогининг финал учрашувига Самарқанд шаҳри мезбонлик қилиши сизга маълум. Учрашувлар ўтадиган саналар Ўзбекистон миллий термасининг кейинги режаларидан келиб чиққан ҳолда шакллантирилган тақвим асосида кейинроқ маълум қилинади.

Ссылка :

Источник : ПФЛ матбуот хизмати

Получайте новости прямо в Telegram!

Рейтинг: +3