Ўзбекистон футбол ассоциацияси вакиллари Наманган вилоятида бўлишди

ЎФА мутахассислари Наманган вилоят спорт бошқармаси бошлиғи Шокиржон Қорабоев, Наманган вилоят футбол ассоциацияси биринчи вице-президенти Шуҳрат Мирхолдиршаев,  "Навбаҳор" футбол клуби вице-президенти Ойбек Саматов, Наманган вилояти болалар-ўсмирлар футбол академияси  директори Ғанишер Исмоилов билан биргаликда вилоятдаги футбол объктларини кўздан кечиришди. 

"Навбаҳор" стадиони, захира майдони ва у ерда яратилган шароитларни ўрганиб чиқишди. Шунингдек, вилоят бўйлаб барча футбол мактаблари, БЎСМ, БЎФМ, футбол академияси ва унга қарашли бўлган "Ёш куч" стадионида бўлиб, ёшларнинг машғулотлари жараёни, майдонлар ҳолати, стадионлардаги қулайликлар, футболдан ташқари вақтдаги болалар учун яратилган шарт-шароитлар билан яқиндан танишишди. 

Вилоят футболининг ривожи, болалар ва ўсмирлар футболи, оммавий футболни янги босқичга олиб чиқиш масалаларида мутахассислар билан фикр алмашилди ҳамда бу ишларни самарали амалга ошириш борасида иш режаси тузилди.