RU

Последние новости

10:25Sofascore. Кечаги учрашувда Аббосбек Файзуллаевнинг ҳаракатлари неча баҳога лойиқ кўрилди?  3 09:50«Манчестер Сити» испаниялик футболчига 200 миллион фунт тўлашга тайёр  4 09:22Sofascore. Кечаги учрашувда Ҳусниддин Алиқуловнинг ҳаракатлари неча баҳога лойиқ кўрилди?  2 08:57Суперлига. Бугун 6-тур якунланади  4 08:26ОФК президенти Ўзбекистон U-17 терма жамоасининг Осиё кубогида ғолибликни қўлга киритгани муносабати билан табрик йўллади  24 07:55Ўзбекистонни чeмпион қилган Исломбек Исмоилов финалдан сўнг нималар деди?  28 07:30U-17 Осиё кубоги. Уч нафар футболчимиз «энг яхши» совринига эга бўлди  11 07:10U-17 Осиё кубоги. Ўзбекистон - Саудия Арабистони 2:0, Фантастик ғалаба!  12 06:51Валверденинг сўнгги дақиқалардаги супер голи «Реал»га муҳим ғалабани тақдим этди  11 05:31Александр Хомяков: "ВАР билан боғлиқ ҳолат, вақт чўзилиши бизнинг зараримизга ишлагандек бўлди"  11 04:41Бундеслига. "Аугсбург" — "Айнтрахт" ўйинида дуранг, "Боруссия Дортмунд" бешта гол урилган ўйинда ғалаба қозонди, "Байер" дуранг ўйнади  0 04:23А Серия. "Интер" "Болонья"га мағлуб бўлди, "Милан" эса "Аталанта"га мағлуб бўлди  2 00:21Миржалол Қосимов: "Захирадан ўйинга қўшилган футболчилар ҳар доим ўйинни кучайтириши керак. Дориев яримта вазиятдан ҳам гол ура олди"  3 00:15Суперлига. Голларга бой ўтган баҳсда ОКМК ғалаба қозонди, "Динамо" эса қўшиб берилган дақиқаларда ғалабани илиб кетди  11 23:58Иван Бошкович: "Биз қандай ўйин намойиш этганимиз ҳеч кимга қизиқ эмас, муҳими натижа"  3

Одил Аҳмедов: “Краснодар” Европа лигасига йўлланма олиш учун курашади" Новости

Одил Аҳмедов: “Краснодар” Европа лигасига йўлланма олиш учун курашади"

Россиянинг "Краснодар" клуби ва Ўзбекистон терма жамоаси ярим ҳимоячиси Одил Аҳмедов ўз фикрларини билдирди.

- Сафардаги ҳар икки ўйинда Баҳрайн ҳамда Филиппинни йирик ҳисобда мағлуб этдинглар. Нима деб ўйлайсиз, бу ҳолат футболчиларимизнинг бироз ҳотиржамликка берилишига сабаб бўлмайдими?

- Асло йўқ. Бу футбол, унда ҳар қандай натижа қайд этилиши мумкин. Сўнгги пайтларда кутилмаган натижаларга кўп бор гувоҳ бўляпмиз. Ўзи аслида уйда ўйнашдан кўра сафарда ўйнаш осонроқ кечади. Меҳмон жамоа биринчи галда эътиборини ҳимояга қаратади. Бундай ҳолатда ҳимоя қўрғонини ёриб кириш қийин кечади. Сафарда эса мезбонлар мухлисларнинг қўллаб-қувватлаши натижасида истамаган ҳолатда ҳам ҳужумга ўтадилар.

- Ҳам чемпионат, ҳам Европа Лигасида ҳар икки-уч кунда майдонга тушишингизга тўғри келди. Жисмоний томондан чарчоқ аломатлари сезилмаяптими?

- Бизни оёққа турғизадиган шифокор ва массажистларимиз бор. Уларнинг ёрдами билан ўйиндан ўйинга тикланяпмиз. Ўзимда чарчоқ аломатларини сезмаяпман. Учрашувга тайёрман.

- Европа Лигасида Чехиянинг «Спарта» клубига имкониятни бой бериб қўйдинглар. Буни кутилмаган натижа сифатида қабул қилдингларми? Умуман, ғалаба учун нима етишмади?

- Прагадаги ўйинда 0:1 ҳисобида ютқаздик. Мезбонлар дарвозасини ишғол этиш учун имкониятларимиз бўлди, лекин улардан унумли фойдалана олмадик. Жавоб ўйинида эса учрашув тақдирини битта гол ҳал қиларди. Ўша голни биз қўйиб юбордик. Шундан кейин олдимизда иккита тўп киритиш вазифаси турарди. Буни амалга ошириш насиб қилмади. Бошқа томондан бунга рақибларимиз йўл беришмади. Голдан кейин ёпиқ футбол кўрсатишди. Энди «Спарта» ҳам жуда кучли жамоа. Буни ҳам тан олиш керак. Бежизга чехияликлар биздан кейин Италиянинг «Лацио» жамоасини ҳам мусобақадан чиқариб юборишмади. Агар кучсиз жамоа бўлганида, чорак финалга «Лацио» йўл оларди.

- Қуръа ташлаш маросимидан сўнг кўпчилик «Краснодар»га нисбатан олганда кучсиз рақиб тушди, деган фикрни илгари сурганди. Шундан келиб чиқиб, «Спарта» кутилганидан ҳам кучли ўйин намойиш этди, деб ҳисоблайсизми?


- Ҳақиқатан ҳам «Спарта» кучли жамоа. Европа Лигасида кучсиз жамоанинг ўзи йўқ. Ҳар бир чизиғида индивидуал кучли футболчилар жам бўлган. Шахсан мен «Спарта»нинг шу босқичга етиб келганини кутилмаган натижага йўймаган бўлардим. Кучсиз клуб бўлганида гуруҳдан чиқа олмасди. Ўзингиз гувоҳи бўлдингиз, жамоа «плей-офф» босқичида ҳам яхши ўйин намойиш этяпти.



- Россия премьер-лигасининг ҳозирча сўнггиси бўлиб турган турида ўзига хос ўзбек дербисига гувоҳ бўлдик. «Краснодар» ўз майдонида Виталий Денисов тўп сураётган «Локомотив» клубини қабул қилди. Лекин ўта муҳим ва принципиал учрашувда асосий рақибларингиздан бирига имкониятни бой бериб қўйдинглар. Мағлубиятни қандай изоҳлаган бўлардингиз?

- Ўйинда ғалаба қозонишимиз учун бизга гол етишмади. Бу ўйинда қайсидир жамоа ютиши керак эди. Афсуски, бу жамоа «Локомотив» бўлди. Денисов учун хурсандман, лекин «Локомотив» учун эмас. Ҳисоб 1:1 бўлиб турган бир пайтда дарвозани ишғол қилганимизда, якун биз учун ижобий бўларди. Аммо Самедовнинг голи вазифамизни қийинлаштириб юборди. Ўзи ҳисобда ортда қола туриб, Перейранинг голидан кейин мувозанатни тиклаб олгандик. Ҳа, жуда афсус қилишга арзигулик мағлубият бўлди. Агар ғалаба қозонганимизда, турнир жадвалида 3-ўринга кўтарилиб олардик. Биргина мағлубият бизни 7-ўринга тушириб юборди.

- Кейинги турда жамоангиз «Динамо» меҳмони бўлади...

- Умуман, чемпионат якунига қадар ўтказиладиган ўйинларнинг ҳеч бири ўткинчи мақомида бўлмайди. Ҳар бир учрашув қийин кечиши аниқ. Шу жумладан, Москвада «Динамо»га қарши кечадиган ўйин ҳам. Лекин биз охиригача курашамиз. Етарлича ўйинлар бор. Бу учрашувларда ўзимиз учун керакли бўлган очколарни йиғиб оламиз, деб ўйлайман. Чемпионлар Лигасига бериладиган йўлланмаларни қўлга киритишимиз қийин кечади. Лекин камида Европа Лигаси йўлланмаларидан бирини қўлга киритишимиз шарт. Битта ғалаба бизни кучли бешликка қайтариши мумкин. Энди очко йўқотишга ва айниқса, мағлуб бўлишга ҳаққимиз йўқ.

Камолиддин Алимов суҳбатлашди

Рейтинг: +1   

Комментарии

championat.asia
< посмотреть последние новости
Яндекс.Метрика