ОЧЛ-2021. Тору Онике: "Гуруҳ босқичини ғалаба билан тугатишни мақсад қилганмиз"
10 июл 2021 12:26
Новости

ОЧЛ-2021. Тору Онике: "Гуруҳ босқичини ғалаба билан тугатишни мақсад қилганмиз"

ОЧЛ-2021 шарқ минтақаси "I" гуруҳидан ўрин олган "Кавасаки Фронатале" - "Бейжинг Гоан" учрашувидан олдин Япония клуби бош мураббийи Тору Онике ва футболчи Дая Тоно фикрлари билан ўртоқлашди.

"Кейинги босқич масаласини ижобий ҳал қилган бўлсакда, гуруҳ босқичини ғалаба билан якунлашни олдимизга мақсад қилиб қўйганмиз.

Гарчи навбатдаги босқичга чиқиб бўлганимизга қарамасдан, иштиёқ ва мотивацияни йўқотиб қўйганимиз йўқ. Турнирга ўзимизнинг ўйин услубимизни кўрсатиш учун келганмиз. Бу томондан муаммо йўқ. Эртага ҳам майдонга чиқамиз ва ўз ўйинимизни кўрсатамиз.

Эртанги ўйинни ютиш орқали ОЧЛдаги айрим рекодларимизни янгилашимиз мумкин. Биз буни уддалашга ҳаракат қиламиз. Жамоамиз шундай рекордларни қайд этаётган экан бундан фақат мамнунман",- дейди Тору Онике.

"Уйга ёруғ юз билан қайтишимиз учун гуруҳдаги барча ўйинларда ғалаба қозониб бор маҳоратимизни ишга солишимиз керак эди. Шу боис эртага фақат уч очко учун майдонга чиқамиз",- дейди Дая Тоно.