ОЧЛ-2021. АГМК гуруҳ босқичига чиқиши учун битта ўйинда ютса кифоя-ми?

"Эртага ОЧЛ мусобақалар қўмитаси Чемпионлар Лигасининг янги мавсум тақвимини тасдиқлайди. Қўмита аъзоларига фақат битта вариант таклиф қилингани ҳисобга олинса, ушбу вариант маъқулланади.

Бу ҳолатда Чемпионлар Лигаси гуруҳ босқич ғарб минтақаси 14-30 апрелда, шарқ минтақасида эса 21 апрель - 7 май саналарида марказлаштирилган ҳолда ўтказилади.

Кейинги тақвим қуйидагича кўриниш олади:

1/8 финал (битта ўйин) - 13-14 ва 14-15 сентябрь,

Чорак финал (битта ўйин) - 27-28 ва 28-29 сентябрь,

Ярим финал (иккита ўйин) - 19 ва 20 октябрь, 26 ва 27 октябрь,

Финал (иккита ўйин) - 21 ва 27 ноябрь.

Қизиқарлиси, ғарбда дастлабки босқич кўзда тутилмаган. Бу шубҳасиз жамоалар сонининг қисқариши билан боғлиқ. Ва бу шуни англатадики, АГМК Чемпионлар Лигаси иштирок этишни плей-офф босқичидан бошлайди ва кутилганидек Ироққа бормайди. Катта эҳтимол билан АГМК гуруҳ босқичига чиқишга йўлланма учун 7 апрелда Доҳада "Ал Гарафа"га қарши ўйнайди", - деб ёзади Алишер Никимбаев телеграмдаги саҳифасида.