Неъматилло Қуттибоев: “Йўқотишлар сабаб ротацияларга мажбур бўлаяпмиз”
18 сен 22:41
Новости

Неъматилло Қуттибоев: “Йўқотишлар сабаб ротацияларга мажбур бўлаяпмиз”

Про лиганинг 20-туридан ўрин олган “Арал” - “Бухоро” (1:0) учрашувидан сўнг мезбонлар бош мураббийи Неъматилло Қуттибоев матбуот анжуманида иштирок этди.

Ўйин ҳақида

- Аввало жамоа мухлисларини ғалаба билан қутлайман. Ўйин бизнинг назоратимиз остида ўтди. Вазиятларни кўпроқ яратдик. Йигитларда ғалаба учун кучли ҳоҳиш бор эди. Ҳаракат қилдик ва ғалабага эришдик.

- Аъзамжон Алиев бугун ўрта чизиқда ҳаракатланди. Бунинг сабаби нима, ўйинга танланган режами?

- Ўтган турда Обид Жўрабоев тўртинчи сариқ карточкасини олганди. Бугун шу йўқотиш сабаб турли ўзгаришларга қўл урдик. Аъзам Алиев ва Саламат Қуттибоевлар ҳимояда ёрдам беришди. Йўқотишлар сабаб, шундай услубда ўйнашга мажбур бўлдик.

- Арислан Юсупбаев захирадан тушиб, гол урди. Навбатдаги учрашувларда уни асосий таркибда кўрамизми?

- Буни ҳозир айта олмайман. Ўйиндан олдин ундан бугунги учрашувга тайёрлиги ҳақида сўрадим, ўйнай оламан деди. Барчага имконият берамиз.

Ссылка :

Источник : championat.asia

Получайте новости прямо в Telegram!

Рейтинг: +1