Мурод Холмуҳаммедов "Бунёдкор"ни тарк этди ва "Қўқон-1912"га қайтди
04 фев 2020 11:47
Новости

Мурод Холмуҳаммедов "Бунёдкор"ни тарк этди ва "Қўқон-1912"га қайтди

Тажрибали ҳимоячи Мурод Холмуҳаммедов "Бунёдкор" клуби билан хайрлашди.

Яқинда "Қўқон-1912" жамоасидан "қалдирғочлар" таркибига бориб қўшилган Мурод Холмуҳаммедов яна қадрдон жамоасига қайтиб келди. Ҳар икки клубнинг ўзаро келишувига кўра 30 ёшли футболчи "Бунёдкор" жамоасига ОЧЛ плей-офф босқичида ёрдам бериш учун йил охиригача ижарага ўтганди. Маълумки, Вадим Абрамов бошқарувидаги "Бунёдкор" ОЧЛ йўлидаги юриши тўхтатди. Шу боис Мурод қўқонликлар ихтиёрига қайтиб келди.

Ҳуқуқий жиҳатдан "Машъал" клубига тегишли бўлган ярим ҳимоячи Сардор Абдураимов билан ҳужумчи Ҳумоюн Муртазоев эса мавсум сўнггига қадар "қалдирғочлар" шарафини ҳимоя қилади.