Мурод Бобожонов: “Дуранг бўладиган кун экан”

- Қийин учрашув бўлди. “Насаф” жамоасини мағлуб этишимиз ҳам мумкин эди. Бироқ якунда омад биз тарафда бўлмади ва ғалабани бой бердик. Хар иккала жамоа ҳам уч очко учун жуда жиддий курашди. “Насаф”га қарши беллашувда жамоадошларим борини бериб, қўлдан келганча ҳаракат қилишди. Лекин барибир дуранг натижа бўлиши насиб қилган экан. Амалга оширилмаган пенальти борасида нима дейиш мумкин? Балки пенальтидан гол урганимизда кейинроқ қаршиликлар учинчи жавоб тўпини ҳам киритишлари мумкин эди. Хуллас, дуранг бўладиган кун экан, - дея таъкидлади “Нефтчи” ҳужумчиси.

- Тўғриси баҳс сўнггида оёғимда оғриқ ҳис қилдим. Шунинг учун мураббийда мени алмаштиришни сўрадим. Шу ўринда бизни “Истиқлол” стадионда қўллаб-қувватлаган барча мухлисларга раҳмат айтмоқчиман, - деди Мурод Бобожонов “Нефтчи” матбуот хизмати берган интервьюсида.

Ҳожиакбар Жабборов ёзиб олди.