Месси келажакда Роналду билан дўст бўлишига ишонмаяпти

"Роналду кейинги "Олтин тўп" учун менинг ягона рақибим эмас. Бугунги кунда бу совринга эга чиқиши мумкин бўлган кўплаб яхши футболчилар бор. Сўнгги йилларда "Олтин тўп" мен ва Роналдуга топширилди, бироқ ушбу совринга Неймар, Мбаппе ва Суареслар даъвогарлик қилиши мумкин.

Роналду келажакда дўст бўла олишимиз ҳақида гапирди? Бу амалга ошадими, йўқми, билмайман. Дўстлик бирга ўтказилган бир қанча вақтдан сўнг юзага келади. Бизни ҳеч қандай муносабатлар боғлаб турмайди. Мулоқот қиламиз ва фақат соврин топшириш маросимларида учрашамиз. Майдондан ташқарида жуда кам ҳолатларда тўқнаш келамиз" - дейди Месси.