Маркос Льоренте: "Ла Лига - дунёнинг энг яхши лигаси. Буни еврокубокдаги иштирок ҳам кўрсатиб турибди"
28 дек 2020 10:15
Новости

Маркос Льоренте: "Ла Лига - дунёнинг энг яхши лигаси. Буни еврокубокдаги иштирок ҳам кўрсатиб турибди"

"Атлетико" ярим ҳимоячиси Маркос Льоренте Испания чемпионати ҳақида гапирди.

- Испания лигаси ҳали ҳам дунёда энг кучлими?

- Мен учун, ҳа. Кўплаб фикрлар бор, ҳар кимнинг ўз фикри бор. Бу дунёнинг энг яхши лигаси. Назаримда Испания чемпионати жуда рақобатбардош, ҳар бир жамоа рақибга хавф туғдиришга қодир. Европада ҳам биз ҳар йили буни кўрсатиб келамиз.

- 4 испан жамоаси гуруҳ босқичидан ўтди [Чемпионлар Лигасида], бу испан футболининг кучидан далолат беради.

- Ҳа, мен доим айтаман, испан жамоалари Европада ўйнаганда, улар муҳим ролда бўлишади. Испан жамоалари Европада кучли эканликларини намойиш этишмоқда. Бу эса Ла Лиганинг дунёнинг энг яхши лигаси эканлигидан далолат беради, - дейди Льоренте.

Эслатиб ўтамиз, Чемпионлар Лигаси тарихидаги энг кўп ғолиб чиққан клуб "Реал" (13)дир, Европа Лигасида эса яна бир испан клуби - "Севилья" (6) тенгсиз.