RU

Последние новости

14:35"Пахтакор" "Машъал" дарвозасига жавобсиз 5 та гол урган ўйиндан ГАЛЕРЕЯ  0 14:15"Водий дербиси"да четлаштириш ва кўплаб пенальтилар. Суперлига 3-тур ўйинларидаги ҳакамлик таҳлили  0 14:03"Ньюкасл" Исакнинг ўрнига А Сериядан ҳужумчи топиб қўйди  1 13:35"Манчестер Юнайтед" Де Хеани қайтармоқчи  3 13:10Перес "Реал" мураббийлигига Хаби Алонсо эмас, бошқа бир испаниялик собиқ футболчини олиб келмоқчи  8 12:36Саудия Арабистони клубларининг навбатдаги нишони — "Челси" ярим ҳимоячиси  0 12:11Футзал. Бугун Хитой – Ўзбекистон учрашуви бўлиб ўтади  0 11:26Иброҳим Ибрагимов: "Янги мураббий билан адаптация жараёни кетмоқда, унга вақт керак"  1 11:09Маҳмуд Маҳамаджонов: "Мавсум аввалида ўз ўйинимизни топиб олишга қийналдик"  0 10:53БАА терма жамоаси бош мураббийлигига яна бир номзод пайдо бўлди  6 10:26ПФЛ янги мавсумда Суперлиганинг ой футболчисини қандай аниқлашини маълум қилди  7 09:55Кечаги учрашувда Ҳусанов нега қайдномадан ҳам жой олмагани очиқланди  23 09:29Карлуш Кейруш яна Осиё терма жамоасини бошқариши мумкин  14 08:58«Манчестер Сити» ёзда 100 миллион евролик ҳимоячи сотиб олмоқчи  8 08:31Суперлига. 5-тур учрашувлари бошланиш вақтлари  1

Марко Колакович: "Бухоро" учун уйдами ёки меҳмонда ўйнашнинг аҳамияти йўқ" Новости

Марко Колакович: "Бухоро" учун уйдами ёки меҳмонда ўйнашнинг аҳамияти йўқ"

Улуғбек Бакаев бошчилигидаги "Бухоро" ўтган мавсумда Суперлигада сўнгги ўринларни эгаллаб Про лигага равона бўлганди.

"Кўҳна шаҳар" жамоаси бу йил ўз олдига яна элитага қайтиш вазифасини қўйган. Про лиганинг 5 та туридан сўнг клуб 3 та дуранг ва 2 ғалаба билан 4-ўринда кетмоқда. Сўнгги турда Бакаев шогирдлари Тошкентда "Машъал" билан дурангга имзо чекишди. Ўйиндан сўнг жамоанинг сербиялик ҳимоячиси Марко Колаковичнинг фикрлари билан қизиқдик. 

- "Машъал" билан ўйин қанчалик мураккаб кечди?

- Бизни қийин учрашув кутиб турганини билгандик, чунки Про лигада осон рақиб йўқ. Фойдаланишимиз керак бўлган вазиятлада омадимиз келмади. Бу бизнинг кейинги учрашувларда тўғирлашимиз керак бўлган асосий муаммойимиз ҳисобланади. Олдимиздаги вазифани бажариш учун кўпроқ очко жамғаришимиз лозим. 

- Биринчи давра якунига қадар "Арал" ва "Олимпик Мобиуз" билан ўйинлар қолди. Бу учрашувлар нисбатан енгилроқ ўтадими?

- Ҳали бу жамоалар билан тўқнаш келганимиз йўқ. Умуман олганда ҳар бир рақибга ҳурмат билан қарашимиз керак. Ҳамма жамоа ўзига яраша кучли. Лекин "Қўқон-1912" ва "Машъал" ўзларининг кучли томонларини кўрсата олишяпти. Айтишим мумкинки, Ўзбекистонда ҳар бир лигадаги баҳслар қизиқарли курашларга бой тарзда ўтади. 

- Жамоа 2 та ғалабасини ҳам меҳмонда қўлга киритди...

- Натижалар барчасини кўрсатиб турибди. Уйга қараганда биз сафарда яхшироқ ўйин кўрсатмоқдамиз. Мураббийимиз ўйиндан кейин айтганларидек биз барча ўйинларни сафарда ўтказяпмиз. Шунинг учун бунинг аҳамияти йўқ. Жамоамиз янги тузилган. Ўтган йилги таркибдан 3-4 нафар футболчи қолган. Барча бир-бирига ўрганиши учун вақт керак. Хавотирли жойи йўқ. Мухлисларга бир нарсани ваъда қиламан. Қолган беллашувларда бор кучимизни ва маҳоратимизни ишга соламиз. Очко йўқотишимиз қимматга тушади. 

- Қишки трансферлар вақтида "Бухоро"га ўтишингизда мураббий фактори муҳим рол ўйнадими?

- Улуғбек Бакаев билан бирга тўртинчи мавсум бирга ишламоқдаман. Унинг қишда менга юборган таклифини рад қила олмасдим. Бакаев ҳам мураббий, ҳам инсон сифатида ҳурматга сазовор. Бирга ишлаш ёқимли. Бундан жуда хурсандман.

Рейтинг: +2   

Комментарии

championat.asia
< посмотреть последние новости
Яндекс.Метрика