Манжукич "Рома" билан 2 йиллик шартнома имзолаши мумкин
24 авг 2020 17:14
Новости

Манжукич "Рома" билан 2 йиллик шартнома имзолаши мумкин

"Ювентус" собиқ ҳужумчиси Марио Манжукич "Рома"га ўтиши мумкин.

Хорватия терма жамоаси собиқ ўйинчиси сўнгги вақтларда "Интер" ва "Фиорентина" билан боғланди, аммо манба Марионинг пойтахт клубини танлаганини ёзмоқда.

Манжукич Қатардаги фаолиятидан сўнг Европа футболига қайтишни хоҳламоқда. У "Рома" сардори Эдин Жеконидан кўра камроқ маош сўрайди. 34 ёшли футболчи йилига бонуслардан ташқари 4 миллион евро маош олади ва 2 йиллик шартнома имзолайди.

Манжукич қишда "Ал Дуҳайл"га эркин агент мақомида ўтган ва 2021 йилга қадар шартнома имзолаганди. Футболчи жамоа сафида 7та ўйинда майдонга тушиб, 1та гол уришга эришди.

У бунга қадар "Бавария", "Атлетико" ва "Ювентус" клублари шарафини ҳимоя қилган. Хорватия терма жамоасида эса 89та ўйинда майдонга тушиб, 33та гол уришга эришган.

Ссылка :

Источник : Tuttosport

Получайте новости прямо в Telegram!

Рейтинг: +1