"Ман Сити" Виртцнинг трансфер нархи юқорилиги сабабли ундан воз кечди. Келишув клубга умумий ҳисобда 300 миллион еврога тушиши мумкин эди (BBC)

"Шаҳарликлар" ярим ҳимоячи трансфери бўйича "Байер"га таклиф киритган эди, чунки Пеп Гвардиола уни мавсум якунида клубни тарк этадиган Кевин де Брюйне ўрнида кўраётганди.

BBC маълумотларига кўра, "Манчестер Сити" Виртцни сотиб олишдан воз кечди, чунки футболчининг трансфер нархи жуда қиммат деб ҳисобламоқда. Хабарларга кўра, 22 ёшли ярим ҳимоячи учун харажат клуб тарихидаги энг йириги бўлиши мумкин эди – трансфер нархи ва маошни ҳисобга олганда, умумий харажатлар 300 миллион евродан ошарди.

"Манчестер Сити"нинг Виртцни сотиб олиш учун курашдан чиқишининг яна бир сабаби шундаки, Гвардиола ҳали ҳам Фил Фоденга ишонмоқда. Шу билан бирга, клуб ижодкор ярим ҳимоячи қидиришни давом эттиради – номзодлар орасида "Ноттингем Форест"дан Морган Гиббс-Уайт бор.