Малком "Барселона"ни тарк этишни истамоқда

AS хабарига кўра, Антуан Гризманнинг трансферидан кейин Малком янги мавсумда ўзига катта ишонч билдирилмаслиги ва кўп имконият берилишига ишонмаяпти. Шу боисдан у АПЛдан тушаётган таклифни қабул қилиш ниятида. "Барселона" захирадаги футболчини 60 миллион еврога баҳоламоқда.

Малком 2018 йилда "Бордо"дан "Барселона"га 41 миллион евро эвазига ўтганди. Ўтган мавсумда у жамоаси таркибида 24 ўйинда қатнашиб, 4 гол урди ва 2 голга ассистентлик қилди.