Лука Модрич: "Мен 13 йилни дунёнинг энг буюк клубида ўтказдим, энди эса ўтмишда ҳозирги "Реал" даражадаси бўлган клубга келдим"

– Мен осонроқ йўлни - рақобат унчалик юқори бўлмаган бошқа лигани танлашим мумкин эди, лекин буни хоҳламадим. Мен доимо қийин йўлни танлаганман, шунинг учун "Милан"га ўтдим. Бу ерда катта рақобат бор. Бу буюк лига, шу сабаб мен бу ердаман. Анчелотти билан гаплашдим, у "Милан" ҳақида яхши нарсаларни айтиб берди. Карло Анчелотти бу ерда ўйинчи ва мураббий сифатида бўлган, у менга клуб ҳақида ҳаммасини гапириб берди.

Умид қиламанки, бу клубда талаб қилинадиган даражада бўламан. Ўйин вақти ҳақида мураббий билан гаплашаман. Мен кўпроқ ўйнаш, яхши формага эга бўлиш, Америкадаги жаҳон чемпионатига тайёр бўлиш учун келдим.

Менга жамоа ва мураббийнинг ғоялари билан танишиш учун вақт керак. Алоҳида машғулот ўтказишимдан қатъий назал, бу ерга келиб тайёргарликни бошлаш бошқа нарса.

– Клубнинг Европа кубокларида ўйнамаслиги сизни хавотирга солмайдими?

– "Реал"дан кейин юқори мақсадларни олдига қўйган катта клубда фаолиятимни давом эттиришни хоҳладим. "Милан"нинг еврокубокларда ўйнамаслиги ачинарли, чунки бу "Реал"дан кейинги энг кўп соврин ютган клуб. Бизда ҳафтасига бир ўйин бўлади, бу ёмон эмас, чунки ўйинларга тайёргарлик кўриш учун бутун бир ҳафта вақтимиз бўлади.

– Энг кўп соврин ютган клубдан энг кўп совринлик иккинчи клубга ўтдингиз?

– Мен 13 йилни дунёнинг энг буюк клубида ўтказдим, энди эса ўтмишда ҳозирги "Реал" даражадасида бўлган клубга келдим. Ҳозир жамоа ўша даражада эмса. "Милан" қайтишга интилиши керак. Бу мавсумдаги вазифам – қўлимдан келганича ёрдам бериш ва завқ олиш.

– 2017 йилда сиз жамоанинг ҳозирги мураббий Аллегрига қарши Чемпионлар Лигасида ғалаба қозонгансиз. Бу "гуноҳингизни" қандай "ювмоқчисиз"?

– Эҳтимол, бу у учун энг ёқимли хотира эмасдир, шунинг учун бу ҳақда гапирмасликка ҳаракат қиламан. Мендан ғазабланишини хоҳламайман. У билан учрашишни интизорлик билан кутаяпман. Аллегри билан ишлашдан хурсандман, у дунёнинг энг яхши мураббийларидан бири. Ушбу мутахассис ғолиб ва у мендан нимани кутаётганини ва мени майдонда қаерда кўраётганини билишни сабрсизлик билан кутаяпман, – деди ярим ҳимоячи.