"Локомотив" тақдимот маросими ўтказади
05 мар 2022 14:14
Новости

"Локомотив" тақдимот маросими ўтказади

Теги : "Локомотив"тақдимот маросими Таништирув

Ҳар йил мавсум аввалида тақдимот маросими ўтказиш ва янги футболчиларни таништириш "Локомотив" ПФК учун анъанага айланиб улгурди.

Келаётган ҳафтанинг душанба - 7-март куни "Локомотив" стадиони анжуманлар залида "темирйўлчилар" сафига келиб қўшилган янги футболчиларни таништирув маросими бўлиб ўтади.

Тадбирда "Локомотив" ПФК бош директор ўринбосари Тўлабек Акрамов ва асосий жамоа бош мураббийи Денис Коростиченко иштирок этади. Тақдимот маросимида янги футболчиларни кенг оммага таништириш билан биргаликда жамоанинг янги мавсумга тайёргарлиги ҳамда бу мавсум клуб олдига қўйилган мақсад ва вазифалар ҳақида сўз боради.

Бундан ташқари "Локомотив" билан шартнома имзолаган Рустам Нартаджиев, Алишер Салимов, Муҳаммаданас Ҳасанов, Жером Этаме, Маъруф Жумаев каби футболчиларига ўз футболкалари топширилади.

7-март куни "Локомотив" стадионида бўлиб ўтадиган тадбир соат 12:00да бошланади. ОАВ ходимларини таништирув маросимига таклиф этиб қоламиз.

"Локомотив" ПФК матбуот хизмати.

Ссылка :

Источник : lokomotiv.uz

Получайте новости прямо в Telegram!

Рейтинг: +3