Куртуа: "Реал" ғалабага лойиқмиди ёки йўқ, билмадим"

"Бу уч очко жуда муҳим. "Сельта" майдонидаги ўйинлар доимо қийин ўтган. Ҳар ҳолда фаолиятим давомида ушбу стадионда осон ғалабага эришмаганмиз. Ғалабага лойиқмидик ёки йўқ, билмадим. Биринчи бўлимда яхши сэйвлар амалга оширдим. Шундан кейин рақибларни ўз ярим майдонига қамай олдик ва учта пенальти ишладик.

"Сельта" тўп билан яхши ўйнади ва интенсив футбол намойиш қилди. Биринчи бўлимда уларни босимда ушлаб тура олмадик. Улар марказ орқали ўйинни бошқаришди, бироқ якунда биз ютиб кетдик. Чоршанба куни ЕЧЛдаги ўйин кутиб турибди. Мақсад сари интилиш керак", - деди Куртуа.