Ковачич Италияга қайтиши мумкин

Тuttosport маълумотларига кўра, 24 ёшли Матео Ковачич “Интер”га қайтиши мумкин. Миланликлар мабодо “Реал”дан Лука Модрични сотиб ола билмаса, у ҳолда бор диққат-эътиборини Ковачичга қаратади. Матео эса ўз вақтида айнан “Интер”дан “Реал”га ўтганди. Ҳозирда у “Челси” шарафини ижара асосида ҳимоя қилмоқда. Ковачич жорий мавсум Лондон клуби сафида 24 та ўйинда қатнашиб, 2 та голли узатмани амалга оширди. Унинг трансфери 35 млн еврога баҳоланмоқда.