Кепа "Челси" ва Испания терма жамоаси сафида барча совринларни ютишни хоҳлайди

"Ҳақиқатки, "Челси" сўнгги 10 йил ичида инглиз жамоалари орасида энг кўп совринларни қўлга киритди. Ўйлайманки, бизда айнан шундай амбициялар бўлиши керак.

Аслида, мен шу сабабли бу ерга келдим ва биринчи мавсумимда Европа Лигасини қўлга киритдик. Бизда ёш жамоа бор. Клубга янги ўйинчилар билан шартнома имзолашни таъқиқлаб қўйишганди, аммо биз совринлар учун ҳаракатни давом эттиришимиз керак. Мен "Челси" ва Испания терма жамоаси таркибида барча совринларни ютишни хоҳлайман", - дейди Кепа.

Эслатиб ўтамиз, "Челси" бош мураббийи Фрэнк Лэмпард ёзда Кепа билан хайрлашмоқчи ва унинг ўрнига кучлироқ дарвозабонни жамоага олиб келмоқчи.