Гвардиола: “Бундай ғалабани хоҳламаган эдим. Мени кечиринглар”
17 мар 2019 02:31
Новости

Гвардиола: “Бундай ғалабани хоҳламаган эдим. Мени кечиринглар”

“Суонси” устидан қозонилган иродали ғалабадан (3:2) кейин, Англия кубогининг ярим финалига йўл олган “Манчестер Сити” бош мураббийи Пеп Гвардиола Агуэронинг ўйиндан ташқари ҳолатда урган голига муносабат билдирди.

“Ярим финалдалигимиз ажойиб иш бўлди. Ўйлашимча, биз баҳсни яхши бошладик, лекин, вазиятлардан фойдалана олмадик. Кейин эса иккита голни ўтказиб юбордик. Танаффус пайтида шогирдларимга гол уриш кераклигини тушунтирдим. Рақиб дарвозабони жуда яхши ўйнади! Билмадим, унинг дарвозаси томон қанча зарба йўлладик. Кубокда барча нарса рўй бериши мумкин. Офсайд бор эди ва мен “Суонси”га ҳамдардман. Бундай ғалабани хоҳламаган эдим. Мени кечиринглар. Стадионда нега VAR йўқлигини тушуна олмаяпман? Умид қиламанки, кейинги йил мазкур ўйингоҳда ушбу технология бўлади.” – дейди Гвардиола.

Эслатиб ўтамиз, Англия кубогида видеотакрорлар қўлланилади. Бироқ, VAR фақат АПЛ клубларида бўлиб, қолган жамоаларнинг стадионларида эса ушбу технология ўрнатилмаган.

Ссылка :

Источник : BBC

Получайте новости прямо в Telegram!

Рейтинг: +24