Гвардиола — АПЛда февраль ойининг энг яхши мураббийи

У февраль ойини мағлубиятсиз ўтказди. Бу унинг сўнгги тўрт йилдан ортиқ вақт ичидаги илк ғалабаси бўлди.

Пеп Гвардиола энг яхши мураббий учун бериладиган совринни 12-марта қўлга киритиб, бу кўрсаткич бўйича сэр Алекс Фергюсон (27) ва Арсен Венгердан (15) кейин учинчи ўринни эгаллади. "Шаҳарликлар" устози "Эвертон" мураббийи Дэвид Мойесдан (11) биттага олдинлаб кетди.

Ойни "Тоттенхэм"га қарши дуранг билан бошлаган Гвардиола февраль ойида "Манчестер Сити"ни лигада энг юқори — 13 очко жамғаришга олиб келди. Бу "Ливерпуль", "Фулхэм", "Ньюкасл" ва "Лидс Юнайтед"га қарши ғалабалар эвазига амалга ошди.

Ғолиблик учун испаниялик мутахассисдан ташқари Кит Эндрюс ("Брентфорд"), Майкл Кэррик ("Манчестер Юнайтед") ва Арне Слот ("Ливерпуль") кураш олиб борган эди.