Гранеро "Класико" олдидан: "Икки кучли жамоа тўқнашуви, аммо юрагим "Мадрид" фаворитлигини айтмоқда"
01 мар 2023 11:32
Новости

Гранеро "Класико" олдидан: "Икки кучли жамоа тўқнашуви, аммо юрагим "Мадрид" фаворитлигини айтмоқда"

"Реал" собиқ ярим ҳимоячиси Эстебан Гранеро "Мадрид" ва "Барселона" тўқнашуви арафасида фикрлари билан ўртоқлашди.

Эртага, пайшанба куни, "Сантьяго Бернабеу"да Испания Кубоги ярим финал биринчи учрашуви бўлиб ўтади.

Қайд этиш лозим, 19 март куни "Реал" "Камп Ноу"га Ла Лига 26-тур ўйинига боради, 5 апрель куни эса Кубок ярим финали жавоб баҳси.

"Ўйлашимча, мана шу класико кейинги тўқнашувларга ҳам жиддий таъсир ўтказади. Жамоаларнинг спорт формаси ҳам муҳим фактор ҳисобланади. Юрагим, менга фаворит "Мадрид" эканлигини айтяпти, лекин нима бўлса ҳам бизни икки кучли жамоалар тўқнашуви кутиб турибди. Мен ўйинни оддий мухлис сифатида томоша қилиб, завқланишни истайман.

Мен "Реал"да ўйнаган давримда, биз тарихдаги энг кучли "Барса"га қарши курашардик ва Кубок ҳамда 100 очко жамғариб, Ла Лигада зафар қучганмиз. Бунда бизга "Барселона"нинг ўзи ҳам ёрдам берган, чунки рақиб планкани ўта баланд қўйгани, бизни ҳам кўпроқ ишлашга мажбур қиларди", – деди Гранеро.

Ссылка :

Источник : sport.es

Получайте новости прямо в Telegram!

Рейтинг: +6