Флориан Виртцга Англиядан яна бир харидор пайдо бўлди
14 мая 23:25
Новости

Флориан Виртцга Англиядан яна бир харидор пайдо бўлди

Флориан Виртц "Ливерпул"нинг эътиборини тортди.

Аввалроқ "Байер" ярим ҳимоячиси "Бавария"га ўтиш бўйича клуб билан келишиб олгани, аммо "Манчестер Сити" ҳам унинг трансфери учун таклиф киритгани маълум бўлганди. Маълумотларга кўра, кеча 22 ёшли футболчи Англияда "шаҳарликлар" билан музокаралар олиб борди.

Bild журналисти Кристиан Фалкнинг маълум қилишича, ўйинчи кеча нафақат "Манчестер Сити", балки "Ливерпуль" вакиллари билан ҳам суҳбатлашган. Мерсисайдликлар Виртцни трансфер қилиш 100 миллион евродан ортиқроққа тушишини тушуниб турибди. "Байер" эса тахминан 150 миллион евро олишни хоҳлаётгани айтилмоқда. Шу билан бирга, "Ливерпуль" учун бошқа позицияларни, айниқса ҳужум марказини кучайтириш устувор вазифа саналади.

Таъкидланишича, "Бавария" трансфер учун тахминан 100 миллион евролик таклиф тайёрламоқда. Немис клуби Виртц оғзаки келишга амал қилишига ишонмоқда.

Ссылка :

Источник : Bild

Получайте новости прямо в Telegram!

Рейтинг: +2