ФИФА ижара шартномалар бўйича ўзгартиришлар киритилганини эълон қилди
20 янв 2022 21:43
Новости

ФИФА ижара шартномалар бўйича ўзгартиришлар киритилганини эълон қилди

Янги қоидага кўра, клублар ижара муддати ва битимнинг молиявий шартларини кўрсатган ҳолда ёзма шартнома тузишлари керак.

Ижаранинг максимал муддати 1 йилни ташкил қилса, энг кам муддат икки трансфер ойнаси орасидаги давр бўлади. Эндиликда футболчиларни иккинчи клубдан учинчи клубга ижарага бериш тақиқланади.

Янги регламентга кўра, клуб бир мавсум давомида бир клубнинг учдан ортиқ футболчисини ижарага олиши мумкин эмас.

Ижарага олинувчи футболчиларнинг максимал сони ҳам белгиланган: 2022 йил 1 июлдан 2023 йил 30 июнига қадар клублар бир мавсумда 8 нафардан ошиқ футболчини ижарага бермайди ва олмайди.

2023 йилнинг 1 июлидан 2024 йилнинг 30 июнига қадар бу лимит бир мавсум учун 7 нафар футболчини ўз ичига олади. 2024 йилдан бошлаб клублар мавсум давомида 6 нафардан ортиқ футболчини ижарага бермайди ва олмайди.

Ушбу чеклов 21 ёшдан кичик футболчилар ва клуб тарбияланувиларига тааллуқли эмас.

Ссылка :

Источник : fifa.com

Получайте новости прямо в Telegram!

Рейтинг: +6