Феликснинг тақдири нима бўлади? "Барселона" мураббийлар штаби ва раҳбариятнинг фикри бир-бирига зид келмоқда

Футболчи "Атлетико"дан мавсум охиригача ижарага олинганидан хабарингиз бор. Мураббийлар штаби футболчи жамоага кераклигига шубҳа қилмоқда, спорт бўлими эса уни таркибда сақлаб қолиш керак деб ҳисобламоқда.

Феликс "Барселона"даги фаолиятини жуда яхши бошлади, аммо кейин унинг ўйинида пасайиш кузатилди. Январь ойида португалияликнинг агенти Жорже Мендеш "Атлетико" ва "кўк-анорранглилар" ўртасида музокараларни бошлаганди. 

Маълумотларга қараганда, "Барселона" Феликснинг ижара муддатини узайтириш ва уни 2025 йилда сотиб олишни истамоқда. "Атлетико" эса Жоаудан бир йўла қутулмоқчи. Айни дамда музокаралар "Барселона"нинг ташаббуси билан тўхтатилган.

Жорий мавсум Феликс барча мусобақаларда 22 ўйинда иштирок этиб, 6 та гол урди ва 3 та голли узатма етказиб берди ҳамда 5 бор сариқ карточка ишлаб олди.