Фарҳод Нишонов: "Дўстлик"га ҳар томонлама ютқаздик"
23 мая 21:55
Новости

Фарҳод Нишонов: "Дўстлик"га ҳар томонлама ютқаздик"

Про лиганинг 9-туридан ўрин олган "Олимпик Мобиуз" - "Дўстлик" (1:2) учрашувидан сўнг мезбонлар бош мураббийи Фарҳод Нишонов фикрларини билдирди.

"Дўстлик"ни мавсумдаги илк ғалабаси билан табриклайман. Улар ғалабага ҳақлироқ эди. Аввалги ўйинларда ҳам сифатли футбол кўрсатаётганди. Ўйинга келсак, қайсидир жойда яхши ҳаракат қилдик. Умуман олганда барқарорлик етишмаяпти. Кейинги ўйинларга тайёргарлик кўрамиз",- дейди Фарҳод Нишонов.

- Иккинчи бўлимда жамоа ўйинни кучайтирди. Лекин охиригача шу темпни сақлаб қола олмади. Бунинг сабаби нима деб ўйлайсиз?

- Захирадан тушганлар ўйинни ўзгартира олди. Айрим паллаларда барқарорлик йўқлиги панд бермоқда. Бу ёш билан боғлиқми ёки бошқа сабабми билмаяпмиз. "Дўстлик"нинг турнир жадвалидаги ўрнидан келиб чиқиб футболчиларни имкон қадар максимал руҳий томонлама тайёрлашга ҳаракат қилдик. Назарий машғулотларда рақибни ўргандик. "Машъал", "Қўқон-1912" билан ўйинларда "Дўстлик" ғалаба қозониши керак эди. Фақат якунловчи зарбалар етишмаётганди. Улар бор кучини кўрсатди. Биз ҳар томонлама "Дўстлик"ка ютқаздик.

Ссылка :

Источник : championat.asia

Получайте новости прямо в Telegram!

Рейтинг: